Mobility LABek, Gasteizko Garraio Zentro Intermodalarekin lankidetzan, Arabako enpresei zuzendutako jardunaldi bat egingo du urtarrilaren 21ean, logistika intermodalean eta azken miliako hiri-banaketan datu-espazioek duten potentziala hurbiltzeko.

Topaketak erakutsi nahi du teknologia hori, askotan konplexutzat jotzen dena, irisgarria dela eta funtsezko tresna bihur daitekeela Arabako ekosistema logistiko eta industrialaren eraginkortasuna, konektibitatea eta iraunkortasuna hobetzeko.

Goizean zehar, hainbat hizlarik ikuspegi praktikoa eta kasu errealetara bideratua eskainiko dute. Arabako Kalkulu Zentroak datu-espazioen oinarrizko kontzeptuak azalduko ditu, eta Mobility LABek, berriz, lurraldean abian dauden proiektu zehatzak aurkeztuko ditu. Programak, gainera, ADIFen, Digitalizazio eta Adimen Artifizialeko Estatu Idazkaritzaren eta beste hiri batzuen esperientziak eta hitzaldiak bilduko ditu. Azken horiek, zehazki, arrakasta-kasuak partekatuko dituzte, benetako aplikazioak eta enpresetarako integrazio-aukerak erakutsiz.

Bertaratzen diren pertsonek Datu Espazioen Kitaz nola baliatu ere ezagutuko dute, irtenbide teknologiko horiek inplementatzea errazteko diseinatutako laguntza.

Jardunaldia Gasteizko Europa Biltzar Jauregian izango da, 9:30etatik 13:30etara. Izen-ematea doakoa izango da eta laster formalizatu ahal izango da, egitarau osoa argitaratzearekin batera.