NOTICIAS

Mobility Lab Vitoria-Gasteiz Fundazioa POLIS 2024 Urteko Konferentzian izango da aurten, azaroaren 27an eta 28an, Karlsruhen (Baden-Württemberg, Alemania). Hiri-mugikortasun jasangarriari buruzko Europako ekitaldi nagusia da POLIS Urteko Konferentzia, eta hiriei eta eskualdeei aukera ematen die garraioaren arloan izandako lorpenak erakusteko mugikortasuneko adituei, profesionalei eta sektore publiko eta pribatuko erabakiak hartzen dituzten arduradunei.

Michelin Hirien Nazioarteko Sareak (INMC) Karlsruheko hitzordua aprobetxatuko du, POLIS 2024 mugikortasunari buruzko Europako konferentzia handia dela eta, bere living labak biltzeko. Gasteiz da, Mobility Laben bitartez, 4 herrialdetako 8 hiri kide horietako bat, eta mugikortasun arloko adituak izango dira hiri horien ordezkariak. Hogei bat pertsonak hartuko dute parte, Aranda de Duero, Bad Kreuznach, Braga, Clermont-Ferrand, Karlsruhe, Ratisbona eta Valladolidetik etorriak.

Gai ugari jorratuko dira POLIS 2024 konferentzian: mugikortasun partekatua, azken milia, mugikortasunerako datuak, trafiko adimenduna, bizikletaren garapena hirietan, etab. Konferentzia horiek aukera ezin hobea izango dira mugikortasun jasangarriaren arloan POLIS sare osoan (Europako hiriak, eskualdeak eta unibertsitateak) abian jarritako ekimenak hobeto ezagutzeko, baina baita Mobility Labeko teknikariek arlo horretako profesional nabarmenetako asko ezagutzeko, beren esperientziak partekatzeko eta, era berean, etorkizunerako prestatutako mugikortasunerako trantsizioarekin erabat konprometituta dauden beste hiri batzuk inspiratzeko ere.

“POLIS 2024ra joatea eta mugikortasunaren alderdi guztiak jorratzen dituzten konferentzia horiek jarraitu ahal izatea aukera ezin hobea da azken berrikuntzak ezagutzeko eta adituekin, ikerketa-zentroekin eta gure tamainako hirietarako alternatiba bideragarriak planteatzen eta jasotzen lan egiten duten beste hiri batzuekin harremanetan jartzeko” adierazi du Mobility Labeko zuzendari Iñigo Bilbaok, Michelin Hirien Munduko Sareko hainbat hiritako teknikariekin eta ordezkariekin bilduko denak.

Era berean, azaroaren 28an, ostegunarekin, Japoniako ordezkariekin bilduko da, haiek ikuspegi berritzaileak aktiboki aztertzen ari baitira garraio multimodalaren eskaintza hobetzeko, baita adinekoentzat eta landa-eremuetan edo inguruetan bizi direnentzat ere. Zientzia, Teknologia eta Berrikuntza Politikako Idazkaritzaren mendeko Berrikuntza Estrategikoa Sustatzeko Programaren barruan egiten ari da lan hori. Lan horren barruan, Portaera Zientzien Japoniako Institutua (IBS) dokumentu bat prestatzen ari da, “Eskualdeko mugikortasuna birdiseinatzeko jarraibideak” izenekoa. Dokumentu horretan sartzen dira plangintza-prozesuak, datuen gobernantza eta errendimenduaren funtsezko adierazleak (KPI) dituzten jarraipen-esparruak ebaluatzeko metodologiak. Horretarako, hiri- eta eskualde-mugikortasunaren plangintza-kasuei buruzko hainbat azterketa egiten ari dira, hiri- eta eskualde-mugikortasunaren dokumentu hori egiten laguntzeko.

Gasteiz da, Amberes eta Baden-Württemberg hiriekin batera, aztergai izango den hirietako bat Iñigo Bilbao Mobility Lab Fundazioko zuzendariaren, Maria Suberbiola Europako Proiektuen teknikariaren eta Juan Carlos Escudero Gasteizko Udaleko Ingurugiro Gaietarako Ikastegiko zuzendariaren eskutik. “Mobility Lab Fundazioarentzat, tailer honetan parte hartzea eta gure hiria aztergaietako bat izatea aukera handia da mugikortasuna hobetzeko planteatzen ari garen konponbideak ezagutarazteko eta gurearen antzeko tamaina duten beste hiri batzuetan funtzionatzen ari diren beste aukera batzuk bilatzeko“, adierazi du Iñigo Bilbaok.

Tailerrean kasuko ikerketen ordezkari eta ikertzaile batzuk bilduko dira, politikak eta ikasitako ikasgaiak ezagutu eta eztabaidatzeko. Japoniako ordezkaritzako parte-hartzaileen zerrendan daude Fumihiko Nakamura Tokioko Unibertsitateko Muga Zientzien Graduondoko Eskolako irakasle izendatua, Kazuhiko Makimura Portaera Zientzien Institutuko presidenteorde eta zuzendari exekutiboa eta Akira Ebiko institutu bereko ikertzailea.

Amaiera

Polis sarearen Urteko Topaketari amaiera emateko, hitzaldia egingo du Herald Ruijters Europako Batzordeko DG MOVEko zuzendari nagusiaren albokoak, eta oinarriak ezarriko ditu eztabaidatzeko hiriek eta eskualdeek nola bete ditzaketen  mugikortasuna Europan hedatzeko asmo handiko helburuak. Helburu klimatikoak ostertzean direla, hurrengo hasierako diskurtsoak eta panelak aztertuko dute Europak nola bizkortu dezakeen mugikortasun jasangarrirako eraldaketa, aldi berean bermatuta konpromisoek sendoak izaten jarraituko dutela, baita garai zailetan ere.

Hizlari nagusietako bat Lars Strömgren izango da, Stockholmeko Garraio eta Hiri Ingurumeneko alkateordea, eta hasierako diskurtsoa egingo du. Stockholm hiri-jasangarritasunaren aitzindari bihurtu da, zero emisioko eremuak sortzearekin hasi eta ibilgailu garbien teknologian eta mikromugikortasunean izandako aurrerapenekin buka. Stockholmek daraman neutraltasun klimatikorako bideari buruz dituen ideiak azalduko ditu bere mintzaldian, bai eta hiriko ekimenek Europako anbizio ekologikoekin nola bat egiten duten ere.